Станіслаў Жарын паведаміў TVP Info, што ў параўнанні з учорашнім днём ноч была адносна спакойнай, але, як сцвярджаюць службы, ні сёння, ні ў бліжэйшыя дні і тыдні на польска-беларускай мяжы не будзе спакойна:
-Мы чакаем, што эскалацыя напружанасці яшчэ перад намі. Атакі на польскую мяжу, на нашых функцыянераў, якія мы бачылі ўчора, напэўна будуць працягвацца. Мігранты, прыведзеныя беларускімі службамі пад нашу мяжу, разбілі вялікія лагеры. Мы чакаем, што многія дні, тыдні іх будуць выкарыстоўваць для дэстабілізацыі сітуацыі на мяжы.
Пры ўмове, што гэта ацэнкі, прэс-сакратар паведаміў, што, паводле аналізаў службаў, на польскую мяжу было дастаўлена каля 3500 чалавек, падзеленыя на групы ў розных месцах.
Мінабароны Польшчы змясціла на Твітэры відэа, дзе бачна, як выглядае лагер мігрантаў блізу КПП Кузніца-Брузгі.
Станіслаў Жарын сказаў, што гэтыя людзі пастаянна знаходзяцца пад кантролем беларусаў. «Мы чакаем, што ў бліжэйшыя дні з Мінска будзе дастаўлена больш груп. Сітуацыя вельмі дынамічная», – падкрэсліў ён.
Прэс-сакратар дадаў, што і беларусы, і некаторыя мігранты накручваюць напружанасць. «Сёння мы чакаем мноства спробаў масавага або кропкавага пераходу на польскую мяжу. Мы таксама чакаем розных відаў тактыкі, каб расцягнуць гэтыя групы мігрантаў уздоўж нашай мяжы, каб аблегчыць яе перасячэнне», – сказаў Станіслаў Жарын.
ав