Польшча паставіла ў Лаос паўмільёна дозаў вакцыны супраць COVID-19

Польскае МЗС нагадала, што таксама раней Польшча ўжо ахвяравала Лаосу 138 тысяч доз прэпарату супраць COVID-19.

Польшча паставіла ў Лаос паўмільёна дозаў вакцынаў супраць COVID-19

twitter.com/MSZ_RP

Польшча паставіла ў Лаос паўмільёна дозаў вакцыны супраць COVID-19, паведаміла Міністэрства замежных спраў.
«Чарговая партыя вакцын супраць COVID-19 была пастаўленая ў Лаос. На гэты раз гаворка ідзе пра 500 тысяч доз», – паведаміла ведамства ў Твітары. «Мы разам змагаемся з пандэміяй каранавіруса ва ўсім свеце!» – падкрэсліла польскае МЗС.

Kolejny transport szczepionek przeciw #COVID19 dotarł do Laosu 🇱🇦, tym razem w liczbie 500 tys. dawek.

Razem walczymy z pandemią koronawirusa na całym świecie! 🌏#SolidarityPL 🇵🇱🤝🇱🇦 pic.twitter.com/QeKfQObDTn

— Ministerstwo Spraw Zagranicznych RP 🇵🇱 (@MSZ_RP) December 21, 2021

Раней у снежні Польшча ўжо ахвяравала Лаосу 138 тысяч доз вакцыны супраць COVID-19. Гэта быў польскі адказ на просьбы, якія Лаос накіраваў да міжнароднай супольнасці.

Міністэрства замежных спраў таксама нагадала, што Польшча адпраўляла вакцыны супраць COVID-19 таксама ў Егіпет, В'етнам, Тайвань, Кенію, Украіну, Аўстралію, Нарвегію, Кыргызстан, Узбекістан, Сербію, Чарнагорыю, Боснію і Герцагавіну, Бангладэш, Руанду і Філіпіны.

PAP/аз