За мінулыя суткі ў Польшчы зафіксавана 17 156 выпадкаў заражэння каранавірусам. 616 заражаных памерлі. Пра гэта паведаміў намеснік міністра аховы здароўя Вальдэмар Краска.
Ён адзначыў, што сярод памерлых пераважаюць непрышчэпленыя – амаль 75 працэнтаў усіх выпадкаў. «Гэта яшчэ адзін доказ таго, што вакцынаванне патрэбнае», – падкрэсліў Краска і заклікаў ставіць прышчэпку ад каранавіруснай інфекцыі. Сярод памерлых 482 асобы мелі спадарожныя захворванні, а сярэдні ўзрост памерлых – 75 гадоў.
Намеснік міністра Краска таксама паведаміў, што колькасць заражэнняў каранавірусам у Польшчы працягвае змяншацца – у параўнанні з мінулым тыднем сёння колькасць новых выпадкаў менш на 22%.
IAR/І Пр. ПР/нг