«Гэта карысна для ЗША, для Польшчы і ўсяго НАТА» – так ацаніў польска-амерыканскае супрацоўніцтва ў абслугоўванні знішчальнікаў F-16 амбасадар ЗША ў Польшчы Марк Бжэзіньскі. Ваенна-авіяцыйны ў Быдгашчы атрымаў першую машыну гэтага тыпу. Да канца года на завод у Быдгашчы паступяць яшчэ дзве такія баявыя машыны.
Амбасадар ЗША Марк Бжэзіньскі падкрэсліў, што абслугоўванне F-16 з'яўляецца сур’ёзнай задачай, а важныя канструктыўныя элементы гэтых самалётаў будуць рамантавацца ў Польшчы:
-Гэта дазволіць выкарыстоўваць машыны больш працяглы час. Мы вельмі рады, што робім гэтую важную працу ў Польшчы. Мы перакананыя, што гэтыя самалёты будуць адноўлены да поўнай працаздольнасці, таму што мы можам разлічваць на надзейнага партнёра. Дзякуй палякам і Польшчы.
Кантракт на мадэрнізацыю і абслугоўванне амерыканскіх F-16 выйграў кансорцыум, у якім Wojskowe Zakłady Lotnicze (Ваенна-авіяцыйны завод) у Быдгашчы супрацоўнічае з арганізацыямі з ЗША і Нідэрландаў. Цана кантракту – 365 мільёнаў долараў.
У сваю чаргу прэмʼер-міністр Польшчы Матэвуш Маравецкі заявіў, што ўзмацненне працы польскіх абаронных прадпрыемстваў накіравана на абарону краіны. Элементам гэтага ўзмацнення зʼяўляецца, між іншым, пагадненне паміж Ваенна-авіяцыйным завод у Быдгашчы і амерыканскім пастаўшчыком авіяцыйных паслуг аб аказанні тэхнічнай падтрымкі амерыканскім самалётам F-16 у Польшчы.
У Быдгашчы праходзіць урачысты прыём першага амерыканскага самалёта F-16 на падставе падпісанага кантракту. Завод будзе забяспечваць тэхнічную падтрымку амерыканскіх знішчальнікаў, дыслакаваных у Еўропе.
iar/эж