Польскі нафтагазавы гігант Orlen павялічыць здабычу ў Нарвегіі

Інвестыцыя зʼяўляецца адной са стратэгічных мэтаў канцэрну Orlen, звязанай з павышэннем бяспекі і энергетычнай незалежнасці Польшчы.

Планаваны аб'ём здабычы

Крыніца: карпарацыя Orlen

Генеральны дырэктар нафтагазавай карпарацыі Orlen Даніэль Абайтэк паведаміў у Twitter, што група прадставіла ў Міністэрства нафты і энергетыкі Нарвегіі планы па распрацоўцы далейшых марскіх радовішчаў, якія дазволяць павялічыць здабычу вуглевадародаў на нарвежскім кантынентальным шэльфе.

Zwiększamy wydobycie ropy i gazu w Norwegii. W Ministerstwie Ropy i Energii złożyliśmy plany zagospodarowania kolejnych złóż morskich. W 2024r. planujemy rozpoczęcie wierceń. Gaz dotrze do Polski przez #BalticPipe. Synergie płynące z fuzji realnie wzmacniają bezpieczeństwo Polski pic.twitter.com/s3q269m0oM

— Daniel Obajtek (@DanielObajtek) December 16, 2022

Меркаваны аб'ём гэтых рэсурсаў складае каля 9 мільярдаў кубаметраў газу, якія будуць транспартавацца ў Польшчу па трубаправодзе Baltic Pipe. Таксама  плануецца распрацаваць радовішчы сырой нафты на амаль 47 мільёнаў барэляў.

Запланаваныя інвестыцыі патрабуюць адабрэння парламента Нарвегіі. Рашэнне па гэтым пытанні, хутчэй за ўсё, будзе прынята ў сярэдзіне наступнага года. Orlen паведамляе, што ў выпадку станоўчага рашэння, бурэнне пачнецца ў 2024 годзе, а эксплуатацыя радовішчаў – у 2027 годзе.

Інвестыцыя зʼяўляецца адной са стратэгічных мэтаў канцэрну Orlen, звязанай з павышэннем бяспекі і энергетычнай незалежнасці Польшчы.

IAR/эж