Сёння, пасля наступлення цемры, будзе найлепшы час для назірання за метэорным патокам Персяіды. Многія польскія ўстановы ладзяць мерапрыемствы, каб разам палюбавацца зоркападам.
Перад Сілезскім планетарыем у Хожуве Ноч Персяідаў пракаментуе астраном Даміян Яблека, а ў перапынках выступіць гурт «Albo i Nie».
Ад 21-й гадзіны Цэнтр навукі Капэрнік у Варшаве таксама ладзіць сумесныя назіранні за падаючымі зоркамі. «Упершыню ў гісторыі нас будзе суправаджаць жывая музыка на працягу ўсяго мерапрыемства «Ноч зоркападу!» — анансуе арганізатар.
Піяніст Марцін Масецкі выступіць у Музеі Зямлі ў Варшаве, а перад канцэртам запланавана сустрэча і экскурсія па музею з папулярызатарам ведаў пра метэарыты. «Будзе музыка, будуць метэарыты, будзе (як з падаючымі зоркамі) шмат любові і надзеі», — гаворыцца ў анонсе падзеі.
«У ноч з 12 на 13 жніўня мы прыглушым святло, запалім факелы і створым ідэальную атмасферу, каб глядзець на зоркі. DJ Axel будзе забаўляць нас музыкай з 19:00 да 23:00», — заахвочваюць бары Уроцлава на гарадскім пляжы на рацэ Одра. «Вы можаце чакаць сапраўды зорных кактэйляў. Будуць пледы для тых, хто мае патрэбу ў абдымках».
ав