Польшча і Паўднёвая Карэя будуць працягваць ваеннае партнёрства. Польскія ўлады атрымалі запэўніванні ў гэтым з Сеула пасля таго, як прэзідэнт Паўднёвай Карэі ненадоўга ўвёў ваеннае становішча, а ў краіне выбухнуў востры палітычны крызіс.
Віцэ-прэм’ер і міністр нацыянальнай абароны Польшчы Уладзіслаў Касіняк-Камыш заявіў, што партнёрству Варашвы і Сеўла нічога не пагражае:
– Адразу пасля ўвядзення ваеннага становішча былі актывізаваныя ўсе кантакты. Выказваю падзяку нашаму вайсковаму аташэ ў Сеўле. Міністэрства абароны Рэспублікі Карэі запэўніла нас выкананне ўсіх кантрактаў і ў прыхільнасці нашаму партнёрству.
Уладзіслаў Касіняк-Камыш у 1-й праграме заўважыў, што пастаўкі ўзбраенняў з Паўднёвай Карэі прыбылі ў Польшчу своечасова і якасць абсталявання была вельмі добрай. Міністр падкрэсліў, што ў ваенных закупках пунктуальнасць – вялікая рэдкасць.
У чацвер, 5 снежня на палігоне ў мясцовасці Устка прайшлі першыя баявыя стрэльбы з рэактыўных сістэм залпавага агню HOMAR-K – польскай мадыфікацыі паўднёвакарэйскай СРЗА Chunmu.
Нагадаем, ваеннае становішча ў Паўднёвай Карэі 3 снежня было адхілена парламентам праз некалькі гадзін пасля таго як прэзідэнт Юн Сук Ёль увёў яго. Цяпер апазіцыя, якая мае большасць у парламенце, патрабуе адстаўкі прэзідэнта, а мясцовая паліцыя распачала супраць палітыка следства.
iar/эж