Палякі плануюць стварыць гігафабрыку штучнага інтэлекту

Дзеля рэалізацыі інвестыцыі, яны будуць прасіць дапамогі ў Еўрапейскай камісіі.

Здымак мае ілюстрацыйны характар.

geralt/pixabay.com

Польшча падасць у Еўракамісію заяўку на будаўніцтва нацыянальнай гігафабрыкі штучнага інтэлекту. Інвестыцыі, суфінансаваныя з фондаў ЕС, будуць уключаць пашырэнне вылічальных цэнтраў, неабходных для распрацоўкі і масавага ўкаранення штучнага інтэлекту. У будучыні польскія кампаніі і дзяржаўная адміністрацыя змогуць скарыстацца іх магчымасцямі.

Ministerstwo Cyfryzacji opracowało projekt Polityki rozwoju sztucznej inteligencji w Polsce do 2030 roku.

To plan, który wyznacza kierunek dla państwa, firm, uczelni i organizacji społecznych. Dokument łączy ambicje technologiczne z konkretnymi potrzebami ludzi. Oto jego główne… pic.twitter.com/eQE7CAnzIM

— Ministerstwo Cyfryzacji (@CYFRA_GOV_PL) June 13, 2025

Гігафабрыка штучнага інтэлекту будзе ўяўляць сабой сетку з некалькіх спалучаных цэнтраў. Урад паспрабуе атрымаць еўрапейскае фінансаванне для пашырэння гэтых цэнтраў прыблізна на 30 000 графічных працэсараў (GPU), кажа намеснік міністра лічбавых тэхналогій Дарыюш Стандэрскі(Dariusz Standerski):

- Мы прапануем стварыць кластар суперкамп'ютараў, прыкладна ў 5-7 разоў большы за ўсю інфраструктуру, якая ў нас ёсць у Польшчы.

Міністэрства лічбавых тэхналогій завяршае перамовы з партнёрамі ЕС па праекце. Плады працы гігафабрыкі штучнага інтэлекту будуць даступныя шырокаму колу прадпрымальнікаў, ад крамаў да аўтамайстэрняў, кажа віцэ-міністр:

- Любы прадпрымальнік, які хоча ўкараніць інструмент штучнага інтэлекту ў сваёй кампаніі, зможа адправіць такі запыт на гігафабрыку штучнага інтэлекту, каб яна магла распрацаваць для яго найлепшае рашэнне.

Чакаецца, што інвестыцыі ў пашырэнне вылічальных цэнтраў у Польшчы складуць прыкладна 5 мільярдаў злотых (больш за мільярд еўра).

IAR/аз