Рашэнне прыняў урад, і яно звязана з расійска-беларускімі вайсковымі вучэннямі «Захад-2025».
Прэм'ер-міністр Дональд Туск паведаміў аб закрыцці мяжы з Беларуссю ў аўторак. Ён заявіў, што гэта звязана з агрэсіўнымі расійска-беларускімі ваеннымі вучэннямі, якія пачнуцца заўтра каля польскай мяжы.
— З меркаванняў нацыянальнай бяспекі, з-за ваенных вучэнняў, мы закрыем мяжу з Беларуссю апоўначы з чацвярга на пятніцу. У тым ліку чыгуначныя пераходы. Міністэрствы, якіх датычыцца гэтая пастанова, абавязаны прадставіць падрабязныя справаздачы аб наступствах гэтага рашэння.
Закрыццё памежных пераходаў з Беларуссю з'яўляецца прафілактычным і будзе поўным і часовым. Пакуль не паведамляецца, калі мяжа зноў адкрыецца. Аднак гэта адбудзецца толькі тады, калі ўрад будзе на 100% упэўнены, што сітуацыя больш не ўяўляе пагрозы для Польшчы і польскіх грамадзян.
Вучэнні «Захад» праводзяцца кожныя чатыры гады і ў іх удзельнічаюць тысячы расійскіх і беларускіх салдат. Апошнія вучэнні ў 2021 годзе, па сутнасці, выкарыстоўваліся для падрыхтоўкі да ўварвання ва Украіну.
Расійска-беларускія ваенныя вучэнні «Захад-2025» пачнуцца 12 верасня, і будуць доўжыцца чатыры дні, да 16 верасня.
IAR/яс