Знішчальнікі ВПС Польшчы і саюзнікаў па НАТА, якія дыслакуюцца на тэрыторыі краіны, былі паднятыя ў паветра ў сувязі з масіраванай атакай расіян на Украіну, паведаміла Аператыўнае камандаванне Узброеных сіл РП. Акрамя польскіх самалётаў, у паветра былі паднятыя знішчальнікі ВПС Чэхіі і Іспаніі, а на зямлі іх падтрымлівалі комплексы СПА ўзброеных сіл Германіі і Нідэрландаў. Гаворыць вайсковы аналітык Марэк Свярчыньскі.
- Пасля атакі дронаў на нашу тэрыторыю ў верасні прысутнасць ВПС краін НАТА была ўзмоцненая. Прычым самалёты дзяжураць не толькі ў Польшчы, але і ў іншых краінах.
Парушэння паветранай прасторы Польшчы не назіралася, баявыя самалёты вярнуліся на базы.
Сёння раніцай, 6 снежня, Расія здзейсніла масіраваную атаку на Украіну з выкарыстаннем 653 баявых дронаў і 51 ракеты. Украінская супрацьпаветраная абарона збіла 585 беспілотных лятальных апаратаў і 30 ракет.
Мэтай нанясення ўдараў стала, у прыватнасці, энергетычная і чыгуначная інфраструктура. Некалькі чалавек атрымалі раненні. Паветраная трывога ахапіла амаль усю тэрыторыю Украіны.
вс