У памежным горадзе Кузніца падляскія скаўты перадалі Віфлеемскі агонь міру прадстаўнікам Генеральнага консульства Польшчы ў Гродне.
Віфлеемскі агонь – гэта сімвал адзінства і братэрства, які скаўты перадаюць па ўсім свеце. 7 снежня польскія скаўты прынялі агонь ад славацкіх скаўтаў. Сёння яны перадалі яго консулу РП у Гродне:
- Гэта прыемна, што скаўты памяталі. Я ўзрушаны. Для суайчыннікаў на Гарадзеншчыне адкрыццё мяжы мае вялікае значэнне. Гэта можа быць сімвалічна, што мы змаглі са скаўтамі сустрэцца, забраць агонь, – гаворыць консул Богдан Кажанеўскі.
Скаўты, якія прывезлі Віфлеемскі агонь міру ў Кузніцу кажуць, што сёлетні пасыл, які спадарожнічае перадачы агню, гэта: «Клапаціся пра дабро ў сабе».
- Гэта ўніверсальны пасыл. Спадзяюся, ён трапіць на вялікую колькасць вігілійных сталоў на гэтым і тым баку мяжы, – сказаў кіраўнік беластоцкіх скаўтаў Кшыштаф Якубоўскі.
ав