Улады Польшчы заяўляюць пра гатоўнасць да зімы на фоне перабояў з пастаўкамі нафты і ЗПГ

Газавыя сховішчы амаль цалкам запоўненыя, дэфіцыту вугалю і паліва на АЗС не чакаецца.

Здымак мае ілюстрацыйны характар

Shutterstock/Kingtony

Польшча гатовая да зімовага сезона: газавыя сховішчы амаль цалкам запоўненыя, дэфіцыту вугалю і паліва на АЗС не чакаецца. Пра гэта заявіў міністр дзяржаўных актываў Войцех Бальчун.

«Галоўнае — забяспечыць пастаўкі. У цяперашніх умовах гэта велізарны выклік, паколькі стабільнасць на рынку парушаная. Мы бачым, якія дзеянні прадпрымае Saudi Aramco ў дачыненні да Польшчы. Аднак мы зрабілі ўсё неабходнае: заключылі больш за 20 пагадненняў і дыверсіфікавалі крыніцы паставак. Мы зрабілі ўсё, каб гарантаваць пастаўкі паліва і не задзейнічаць рэзервы, бо гаворка ідзе пра бяспеку дзяржавы», — заявіў Бальчун.

Асцярогі ўзніклі пасля перабояў з пастаўкамі саудаўскай нафты ў Еўропу праз праблемы з нафтаправодам да порта Янбу. Саудаўская нафта важная для НПЗ Orlen, таму кампанія шукае дадатковую сыравіну ў Паўночным моры і абедзвюх Амерыках.

iar/эж