Беларуская Служба
Дадай у Google

Дадайце нас у абраныя крыніцы ў Google, каб нашы навіны заўсёды былі сярод першых вынікаў вашага пошуку

Прадухілена кібератака на платформу дзяржпаслуг ePUAP. Справай займаюцца спецслужбы 

11.11.2026 11:11
Платформу часова адключылі ў мэтах бяспекі. Спецыялісты працуюць над аднаўленнем яе поўнай функцыянальнасці.
zdjęcie ilustracyjne
zdjęcie ilustracyjneShutterstock/Gorodenkoff

У Польшчы выявілі і спынілі кібератаку на дзяржаўную платформу ePUAP, праз якую грамадзяне і прадпрыемствы могуць электронна звяртацца ў дзяржаўныя ўстановы, падаваць заявы і атрымліваць афіцыйныя лісты. Пра інцыдэнт паведаміў віцэ-прэм’ер і міністр лічбавізацыі Польшчы Кшыштаф Гаўкоўскі.

Платформу часова адключылі ў мэтах бяспекі. Спецыялісты працуюць над аднаўленнем яе поўнай функцыянальнасці. Да расследавання абставінаў далучылася Агенцтва ўнутранай бяспекі (ABW).

Кшыштаф Гаўкоўскі запэўніў, што інфраструктура Цэнтральнага ІТ-цэнтра застаецца бяспечнай. Пакуль невядома, хто стаіць за атакай, якім спосабам яе правялі і ці пацярпелі даныя карыстальнікаў. У Міністэрстве лічбавізацыі падкрэслілі, што сістэму адключылі прэвентыўна, каб гарантаваць яе далейшую бяспечную працу.

iar/эж