Беларуская Служба

Мухамед – адно з самых папулярных імёнаў для дзяцей у Аўстрыі

14.01.2020 14:02
Некаторыя наўпрост кажуць, што не хочуць «гораду Мухамедаў у сэрцы Еўропы».
Венаjarmoluk/pixabay.com/CC0

Аўстрыйскія ўлады апублікавалі статыстыку самых папулярных імёнаў, якія давалі дзецям у 2019 годзе. Апрача імёнаў Аляксандр, Максімілян, Эмілія і Сафія, мужчынскае імя Мухамед апынулася на першым месцы ў трох раёнах сталіцы Аўстрыі.

У мінулым годзе нованароджаным былі дадзеныя 5000 розных імёнаў. Аўстрыйская статыстыка выклікала шматлікія каментары. У Вене самымі папулярнымі імёнамі сталі Сара і Аляксандр. Аднак, звернутая ўвага, што ў трох раёнах (Favoriten, Fünfhaus i Brigittenau) першае месца заняло імя Мухамед.

Да інтэрнет-дыскусіі далучыўся намеснік мера Вены Дамінік Нэп. Ён звярнуў увагу на тое, што назіраецца прагрэс у ісламізацыі Вены і Аўстрыі, што можа пагражаць міру: – Развіццё, якое пагражае свабодзе, роўнасці і дэмакратыі. Нам не патрэбная ісламская рэлігійная дзяржава і мы не хочам гораду Мухамедаў у сэрцы Еўропы. Я не спынюся змагацца за нашую культуру, – зазначыў Нэп, які з’яўляецца палітыкам Аўстрыйскай партыі свабоды.

Паводле дэмаграфічных дадзеных Аўстрыі з 2019 году, 415 тысяч чалавек былі нашчадкамі імігрантаў, народжаных за мяжой.

ав