Міністры замежных спраў Польшчы і Чэхіі Яцэк Чапутовіч і Томаш Петржычак размаўлялі ў Празе пра адкрыццё супольнай мяжы. Кіраўнік знешнепалітычнага ведамства знаходзіцца з візітам у чэшскай сталіцы. Гэта першая замежная паездка прадстаўніка польскага ўраду за апошнія 10 тыдняў – з моманту пачатку эпідэміі каранавіруса ў Польшчы.
Яцэк Чапутовіч на сустрэчы са сваім калегам сказаў, што неабходна паступова адкрываць межы, таму што «закрытыя граніцы – гэта сур'ёзная праблема для польскага і чэшскага турызму». У сваю чаргу Томаш Петржычак сказаў, што Прага пачынае адкрываць свае межы з паловы чэрвеня. Пры гэтым ён падкрэсліў, што рашэнне аб адкрыцці граніцы з канкрэтнай краінай будзе прымацца індывідуальна.
Чапутовіч і Петржычак таксама размаўлялі пра супрацу ў рамках Вышаградскай групы і пра небяспеку, якая вынікае з гістарычнай палітыкі Расіі.
вс