Рашэнні, прынятыя 17 чэрвеня, падчас відэаканферэнцыі міністрамі абароны краінаў Паўночнаатлантычнага Альянсу, з'яўляюцца адказам на дзеянні Расіі. Падставай для непакою Еўропы зʼяўляецца парушэнне Расіяй Дамовы аб ліквідацыі ракет сярэдняй і меншай далёкасці, якая забараняла выкарыстанне дадзенага тыпу ракет. У мінулым годзе Дамова спыніла сваё існаванне, што выклікала асцярогі з нагоды новай гонкі ўзбраенняў. З тых часоў НАТА рыхтуе новыя захады бяспекі на выпадак агрэсіўных паводзін Расіі.
Генеральны сакратар блоку НАТА Енс Столтэнберг паведаміў пасля відэаканферэнцыі, што міністры краінаў- чальцоў распачалі далейшыя крокі па гэтым пытанні.
- На сённяшняй сустрэчы міністры абмеркавалі гэтыя праблемы і прынялі рашэнне аб пакеце палітычных і ваенных дзеянняў. Яны ўключаюць у сябе, у прыватнасці, умацаванне нашай сумеснай супрацьпаветранай і супрацьракетнай абароны.
Аналагічныя рашэнні міністры прынялі і ў лютым. Дэталі пастаноў застаюцца сакрэтнымі, але кіраўнік Альянсу запэўніў, што блок не будзе разгортваць новыя ракеты ў Еўропе. Летась восенню НАТА павялічыла колькасць ваенных вучэнняў на ўсходзе кантынента.
IAR/эж