НАТA заклікае беларускія ўлады паважаць правы чалавека, у тым ліку права на мірныя пратэсты. Прэс-сакратар Паўночнаатлантычнага альянсу не пацвердзіла інфармацыі пра тое, што войскі НАТА перакідваюцца паблізу мяжы з Беларуссю. Такім чынам яна абвяргала заяву Аляксандра Лукашэнкі, паводле якой, танкі і самалёты НАТА былі размешчаны ў 15 хвілінах ад мяжы.
Паўночнаатлантычны альянс падкрэсліў, што назірае за бягучай сітуацыяй у Беларусі і запэўніў, што войскі, размешчаныя на ўсходнім флангу альянсу, не ўяўляюць пагрозы для ніякай краіны, а іх галоўная мэта - прадухіленне канфліктаў.
Нагадваем, падчас тэлефоннай размовы Аляксандр Лукашэнка і Уладзімір Пуцін
дамовіліся, што калі сітуацыя ў Беларусі будзе абвастрыцца, то яны будуць дзейнічаць у адпаведнасці з працэдурамі, прадугледжанымі двухбаковым пагадненнем аб ваеннай дапамозе. Прэзідэнт Пуцін запэўніў свайго суразмоўцу, што Расія гатовая аказаць дапамогу Беларусі ў адпаведнасці з гэтым пагадненнем.
аз