З сённяшняга дня Літва дазволіла грамадзянам некаторых замежных краін, у тым ліку Польшчы, знаходзіцца на сваёй тэрыторыі без патрабавання самаізаляцыі.
Як паведамляе карэспандэнт Польскага радыё ў Вільні, жыхары васьмі еўрапейскіх краін могуць уязджаць у Літву без адбывання самаізаляцыі пасля прыезду. Акрамя грамадзян Польшчы, згаданае правила тычыцца грамадзян Германіі, Швецыі, Балгарыі, Нарвегіі, Ісландыі, Сербіі і Канады.
Новаўвядзенне датычыць краін, дзе колькасць новых выпадкаў заражэння каранавірусам SARS-CoV-2 за апошнія два тыдні не перавысіла 25-і на 100 тыс. насельніцтва. У выпадку, калі колькасць выпадкаў заражэнняў у нейкай краіне пачне расці і перавысіць 25 на 100 тыс. чалавек, патрабаванне знаходжання самаізаляцыі пасля прыезду будзе вернутае.
Санітарна-эпідэміялагічная служба Літвы актуалізуе спіс краін кожную пятніцу.
вс