Міжнародная банда, якая ў 2014 годзе перапраўляла нелегальных мігрантаў праз Сербію ў Венгрыю, была ліквідавана паліцыяй, паведамляецца ў чацвер на сайце венгерскіх праваахоўнікаў.
Групоўка займалася кантрабандай нелегальных мігрантаў у Еўропу. У яе склад уваходзілі грамадзяне Польшчы, Лівіі, Туніса і Сірыі. Нелегальнай траспарціроўкай людзей непасрэдна займаліся ў асноўным грамадзяне арабскіх і афрыканскіх дзяржаў. Члены шайкі патрабавалі за дастаўку ў Еўропу ад 500 да 1000 еўра.
Паліцыя Венгрыі ўстанавіла асобу 34-гадовага мужчыны, які перавозіў мігрантаў праз сербска-венгерскую мяжу, тады яшчэ неабароненую адмысловым плотам. Ён быў абвешчаны міжнародны вышук, але аказалася, што ён ужо адбываў пакаранне ў турме ў Парме за іншыя злачынствы на тэрыторыі Італіі.
Следства ў дачыненні да арганізатараў і вадзіцеляў венгерскія следчыя завяршылі раней. Следчыя дзеянні таксама праводзіліся ў Аўстрыі і Нямеччыне.
PAP/эж