Ідзе чацвёрты дзень адкрытых ваенных дзеянняў паміж Азербайджанам і Арменіяй у Нагорным Карабаху. Яшчэ ўчора армянскія ўлады паведамілі, што ў ваколіцах гораду Вардэніс быў праведзены абстрэл азербайджанскімі ваеннымі. У гэтым самым раёне ўчора быў знішчаны самалёт армянскіх паветраных сілаў Су-25. Канфлікт набірае ўсё больш міжнародны характар, перадае з Масквы карэспандэнт Польскага радыё Мацей Ястшэмбскі:
- Улады Арменіі абвінавацілі Турцыю ў актыўнай вайсковай падтрымцы Азербайджану. Анкара абвяргае гэтую інфармацыю, аднак заяўляе, што Азербайджан можа лічыць на дапамогу Турцыі. Ерэван спадзяецца на падтрымку Расіі і краінаў-членаў АДКБ.
Учора прэзідэнт Азербайджану Ільхам Аліеў у эфіры тэлеканалу "Рассія-1" расказаў, што ягоная армія дзейнічае ў адказ на правакацыі Арменіі. Азербайджанскі лідра таксама падкрэсліў, што пасля рэвалюцыі 2018 года Ерэван знаходзіцца пад кантролям Джорджа Сораса. Нікол Пашынян у сваю чаргу выказаўся, што армянскае войска дзейнічае ў адказ на агрэсію Азербайджану.
IAR/аев