Еўрапейскае агенцтва па леках сёння ацэніць вакцыну супраць COVID-19 ад кампаніі Moderna. Цалкам верагодна, што згаданая ацэнка будзе станоўчай. Аднак у канчатковым рахунку, гэта Еўрапейская камісія павінна дазволіць на продаж вакцыны на рынку ЕС.
Эксперты Еўрапейскага агенцтва па леках сустрэліся пазаўчора, але не прынялі рашэння, паясняючы, што патрабуюць больш часу для аналізу дадатковай інфармацыі аб вакцыне.
Калі агенцтва дасць зялёнае святло, то вакцына супраць каранавіруса, выпушчаная кампаніяй Moderna стане другой на рынку ЕС. Нагадваем, першай вакцынай супраць COVID-19, якую ўхваліла Еўракамісія з’яўляецца вакцына кампаніі Pfizer/BionTech.
Эксперты агенцтва таксама аналізуюць інфармацыю пра працу навукоўцаў з Оксфардскага ўніверсітэта і кампаніі AstraZeneca.
У агульнай складанасці Еўрапейская камісія ад імя краін ЕС правяла перамовы аб пастаўках вакцын з шасцю фармацэўтычнымі кампаніямі і заключыла кантракт на два мільярды доз.
аз