Пра гэта расказаў міністр замежных спраў Польшчы Збігнеў Раў.
«Я сам адзначаў, што кібератакі павінны падвяргацца кіберсанкцыям. Сапраўды, наколькі я ведаю, праца над такім рашэннем была распачата. Аднак праблема зводзіцца да таго, што паміж краінамі, якія ўваходзяць у ЕС, сапраўды няма адзінства адносна таго, як паводзіць сябе з Расіяй», – заявіў кіраўнік польскага Міністэрства замежных спраў.
Міністр нагадаў, што з 2014 года ў ЕС дзейнічаюць пяць правілаў адносна стасункаў з Расіяй. Першае – патрабаванне спыніць агрэсію супраць Украіны і выкананне мінскіх пагадненняў аб спыненні агню. Гэты прынцып, як падкрэсліў міністр Раў, павінен абумоўліваць супрацоўніцтва з Расіяй. Аднак Заходняя Еўропа глядзіць на гэта інакш.
«Значная частка заходніх членаў, якая імкнецца больш за нашу частку Еўрапейскага саюза да інтэнсіўных адносін з Расіяй, у тым ліку, вядома, эканамічных, хацела б выбарачнага ўдзелу. Справа зводзіцца да таго, што калі Еўрапейскі саюз вырашыць, што ў іх непасрэдных інтарэсах супрацоўніцтва з Расіяй, гэта з'яўляецца дастатковым абгрунтаваннем для легітымізацыі такога супрацоўніцтва, сказаў Збігнеў Рау.
Частка цэнтральна-ўсходняга рэгіёну, уключаючы Польшчу, не пагаджаецца сканцэнтравацца ў першую чаргу на выбарачным удзеле, бо лічыць, што перш за ўсё Расію трэба прымусіць змяніць свае агрэсіўныя паводзіны.
ав