Па дадзеных міжнароднай арганізацыі Amnesty International, грамадзяне Расіі былі пазбаўленыя права мірна дэманстраваць. Праваабаронцы ў сваім дакладзе паказваюць, што за апошнія 16 гадоў расійскія ўлады прынялі 13 законаў, якія абмяжоўваюць грамадзянскія правы, у тым ліку, права арганізаваць акцыі пратэсту.
Amnesty International адзначае, што ў Расіі арганізацыя і ўдзел у мірных дэманстрацыях караецца штрафамі і пазбаўленнем волі. Расійскія праваабаронцы звяртаюць увагу на жорсткі разгон дэманстрацый паліцыяй і пераслед людзей, якія іх арганізоўваюць.
«Улады Расіі імкнуцца да таго, каб канчаткова знішчыць права на свабоду сходаў», – напісалі актывісты Amnesty International на сваім сайце. Яны падкрэсліваюць, што ўлады ўспрымаюць кожную дэманстрацыю, як злачынную дзейнасць, а ўдзел у акцыі – гэта гераічны акт.
Міжнародная праваабарончая арганізацыя заклікала расійскія ўлады рэфармаваць прававыя акты, якія рэгулююць права на сходы.
аз