Апошні амерыканскі жаўнер пакінуў Афганістан. Такім чынам завяршылася вайна з удзелам ЗША, якая доўжылася амаль 20 гадоў. Пентагон прызнае, што не ўсе амерыканцы і афганцы, якія з імі працавалі, былі эвакуяваныя. Дзярждэпартамент заяўляе, што зробіць усё магчымае, каб дапамагчы ім пакінуць Афганістан.
Генерал Крыс Донах'ю быў апошнім амерыканскім вайскоўцам, які пакінуў Афганістан. На фатаграфіі, апублікаванай Пентагонам, ён садзіцца з вінтоўкай у транспартны самалёт С-17 – адну з пяці такіх машын, якія, пакідаючы Кабул, завяршылі місію ЗША ў Афганістане.
Афіцыйна аб заканчэнні вываду амерыканскіх войскаў, грамадзян іншых краін і афганцаў абвясціў падчас прэс-канферэнцыі ў Пентагоне кіраўнік Цэнтральнага камандавання ЗША генерал Кэнэт Макензі.
Хоць амерыканскія войскі пакінулі Афганістан, там засталося каля 200 грамадзян ЗША. Белы дом заявіў, што чакае, што талібы дадуць магчымасць амерыканцам і іншым, хто вырашыў такім чынам, бяспечна пакінуць краіну.
IAR/аз