24 жніўня 1991 года была зацверджана Дэкларацыя незалежнасці, прынятая раней на ўсеўкраінскім рэферэндуме. Менавіта Польшча першай афіцыйна прызнала незалежнасць Украіны.
За тры дзесяцігоддзі над Дняпром адбылося шмат змен. Сярод найважнейшых гістарычных падзей трэба ўспомніць хвалі пратэстаў – Аранжавую рэвалюцыю і Рэвалюцыю годнасці, падчас якіх украінцы патрабавалі празаходняга развіцця сваёй краіны. Апошняя была асабліва драматычнай, праз расстрэлы дэманстрантаў на Майдане Незалежнасці.
Украіна ўсё яшчэ змагаецца з акупацыяй Крыма і вайной на Данбасе, распачатай Расіяй сем гадоў таму. Вайна забрала амаль 14 тысяч жыццяў.
Украіна таксама падпісала пагадненне аб асацыяцыі з ЕЗ. Украіна стала партнёрам, правяла дэкамунізацыю і шэраг рэформаў, хоць, на жаль, многія з іх застаюцца толькі на паперы, а Украіна змагаецца з адной з сваіх галоўных праблем – карупцыяй.
Сёння, у аўторак 24 жніўня, у рамках святкавання Дня незалежнасці Украіны, на галоўнай вуліцы Кіева – Хрэшчаціку і на Майдане Незалежнасці праходзіць ваенны парад. Удзел у святкаванні Дня незалежнасці Украіны сярод іншых палітыкаў прымае і прэзідэнт Польшчы Анджэй Дуда, а на вайсковым парадзе пройдуць таксама разлікі польскіх жаўнераў.
iar/pr5/эж