Цягам апошніх гадоў польска-літоўскае супрацоўніцтва становіцца ўсё лепшым. Паляпшаецца і атмасфера ўзаемных перамоваў, заявіў віцэ-прэм'ер Пётр Гліньскі ў Вільні. У другой палове дня міністр культуры, спорту і нацыянальнай спадчыны сустрэўся са сваім літоўскім калегам Сіманасам Кайрысам.
Размова тычылася, між іншым, супрацоўніцтва ў галіне культуры і адукацыі, а таксама бягучых палітычных спраў. Польшча і Літва разам павінны супрацьстаяць пагрозе з боку Беларусі. Рэжым Аляксандра Лукашэнкі вядзе гібрыдную вайну з краінамі Еўрасаюза, нагадаў палітык:
-Наш адказ па гэтай справе адназначны і супольны, таксама, калі гаворка ідзе пра Еўрасаюз і НАТА. Гэта нашая супольная рэакцыя – Польшчы і Літвы. Мы ня можам ісці на ўступкі ў выпадку такой нечаканай агрэсіі.
У Вільні Пётр Глінскі таксама прыняў удзел у цырымоніі закладкі краевугольнага каменя для пашырэння Дома польскай культуры, дзе знаходзяцца сядзібы большасці польскіх грамадскіх арганізацый, якія працуюць у Літве.
Разам з віцэ-прэмʼерам у Вільню накіраваліся таксама кіраўнік Канцылярыі прэмʼера Міхалам Дворчык, упаўнаважаны польскага ўрада па справах польскай дыяспары і палякаў за мяжой Ян Дзядзічак і віцэ-міністр польскага МЗС Шыманам Шынкоўскім вэль Сэнк.
Гэта чарговая польска-літоўская сустрэча на ўрадавым узроўні за апошнія тыдні. У пачатку месяца Вільню наведаў міністр замежных спраў Польшчы Збігнеў Рау, а ў пятніцу ў Варшаве адбыліся ўрадавыя кансультацыі з удзелам прэмʼераў Польшчы і Літвы.
IAR/аз