Жанчыны з Афганістана, лідар расійскай апазіцыі Аляксей Навальны і былая прэзідэнт Балівіі Жанін Анэз з’яўляюцца кандыдатамі на Прэмію імя Андрэя Сахарава за свабоду думкі. Прэмію прысуджае Еўрапарламент за заслугі ў барацьбе за правы чалавека і дэмакратыю.
Расійскі апазіцыянер Аляксей Навальны быў вылучаны хрысціянскімі дэмакратамі і лібераламі за мужнасць у барацьбе за свабоду, дэмакратыю і правы чалавека. Афганскія жанчыны былі вылучаны сацыялістамі і «зялёнымі» за іх мужную барацьбу за роўнасць і правы чалавека.
У сваю чаргу былая прэзідэнт Балівіі, якая цяпер знаходзіцца ў турме, была вылучаная кансерватарамі, якія назвалі яе «сімвалам рэпрэсій супраць іншадумцаў» і прыкладам адсутнасці справядлівага судовага працэсу і вяршэнства права ў Лацінскай Амерыцы.
Гэта шорт-ліст прэтэндэнтаў на прэмію гэтага года. Пераможцу вылучаць старшыні фракцыяў у Еўрапарламенце на наступным тыдні. Прэмія імя Андрэя Сахарава будзе ўручаная на снежаньскім пленарным пасяджэнні палаты ў Страсбургу.
IAR/аз