Саудаўская Аравія асудзіла напад на рэзідэнцыю прэмʼер-міністра Ірака ў Багдадзе, у выніку якога былі параненыя, як мінімум шэсць чалавек. Сам прэмʼер Мустафа аль-Казімі не пацярпеў.
Міністэрства замежных спраў Саудаўскай Аравіі назвала напад «баязлівым актам тэрору». На сядзібу прэм’ера ўпаў беспілотнік з выбухоўкай. Пакуль ніхто не прызнаўся ў тэракце.
«Я здаровы, дзякуй Богу, і я заклікаю да міру і стрыманасці з усіх бакоў, дзеля дабра Іраку», – напісаў кіраўнік іракскага ўраду ў Twitter.
Напад на рэзідэнцыю прэмʼер-міністра таксама асудзілі ЗША.
IAR/аз