Прынамсі 68 зняволеных загінулі і 25 былі параненыя падчас хваляванняў у турме ў найбуйнейшым горадзе Эквадора Гуаякіль. Баі пачаліся ў суботу.
Губернатар правінцыі Гуаяс Пабла Арасемена (Pablo Arosemena) падчас прэс-канферэнцыі заявіў, што паліцыі ўдалося супакоіць беспарадкі.
- На месцы аказалася, што ўнутры на невялікай пляцоўцы, ужо ля ўваходу ў турму, назіралася жорсткае супрацьстаянне, выбухі ды інтэнсіўная перастрэлка. Паліцыянтам удалося прабрацца, у прыватнасці, у павільён нумар 2, і дзякуючы гэтаму смеламу рашэнню ўдалося выратаваць іншых зняволеных.
У турмах Эквадора часта адбываюцца бойкі паміж членамі канфліктуючых груповак. Часам яны перарастаюць у бойню, якая ахоплівае ўсю турму. Сёлета ў падобных інцыдэнтах загінулі амаль 300 чалавек. У верасні ў той жа турме ў Гуаякілі ў выніку беспарадкаў загінулі 119 зняволеных.
ІАР ПР/нг