Афіцыйна ўлады гэтага распараджэння не каментуюць, але апавяшчэнне аб пазбаўленні права прадаваць прадукты па субсідаваных цэнах некалькім катэгорыям асобаў 18 лістапада на паседжанні мясцовага гандлёвага ўпраўлення атрымалі супрацоўнікі крамаў аднаго з раёнаў на ўсходзе Туркменістану, паведамляе RFE/RL.
Журналісты звязваюць новаўвядзенне з тым, што ў Туркменістане працягвае пагаршацца эканамічная сітуацыя і ўсё больш бракуе звычайных прадуктаў.
У набор харчоў, якія прадаюцца па субсідаваных цэнах, звычайна ўваходзяць мука і алей, а таксама часам курыныя кумпячкі, цукар і яйкі. Для пакупкі субсідаваных прадуктаў у сям'і павінны быць пагашаны ўсе даўгі па камунальных плацяжах.
Для большай часткі насельніцтва Туркменістану прадукты, якія прадаюцца па субсідаваных цэнах, зʼяўляюцца адзінай крыніцай харчавання.
вх