Прэзідэнт Чэхіі Мілаш Зэман у нядзелю прызначыў Пэтра Фіалу прэм'ер-міністрам чэшскага ўрада. Цырымонія прайшла ў замку ў Ланах з захаваннем надзвычайных мер эпідэмічнай бяспекі. З-за эпідэмічнай сітуацыі і санітарных правілаў, якія дзейнічаюць у Чэхіі, прэзідэнта аддзялілі ад іншых удзельнікаў цырымоніі спецыяльнай шкляной заслонай.
Фіала ўзначаліць правацэнтрысцкі ўрад пяці партый, якія маюць большасць (108 месцаў) у Палаце дэпутатаў (200 месцаў).
Прэзідэнт заявіў, што хоча хутчэй прызначыць новы кабінет, але пры гэтым заявіў, што хоча пагутарыць з усімі кандыдатамі ў міністры. Паводле слоў прэзідэнта, гэтыя сустрэчы павінны скончыцца 13 снежня.
З прызначэннем Фіалы ў краіне два прэмʼер-міністры. Андрэй Бабіш працягвае ўзначальваць урад, які сыходзіць і скончыць сваю місію, як толькі прэзідэнт прызначыць новы ўрад.
ав