У Рызе блок НАТА абгаворвае крызіс бяспекі ва Усходняй Еўропе

У Рызе не чакаецца ніякіх рашэнняў адносна ваеннай дзейнасці НАТА, але ў латвійскай сталіцы, верагодна, у чарговы раз прагучаць словы падтрымкі Польшчы і Прыбалтыкі.

NATO jest dla nas solidnym gwarantem bezpieczeństwa.

PAP/EPA/STEPHANIE LECOCQ

НАТА ў чарговы раз будзе размаўляць аб крызісе ва Усходняй Еўропе. Апошнія дзеянні Беларусі і Расіі стануць галоўнай тэмай выязнога пасяджэння міністраў замежных спраў краін Альянсу, якое праходзіць, у аўторак 30 лістапада ў Рызе.

Латвія з'яўляецца адной з краін, якая больш за ўсё асцерагаюцца дзеянняў Беларусі і Расіі. Перад пачаткам сённяшняй сустрэчы міністр абароны Латвіі прапанаваў пастаяннае размяшчэнне амерыканскіх войскаў у гэтай краіне. Некалькімі днямі раней прэзідэнт Польшчы Анджэй Дуда таксама прапанаваў павялічыць ваенную прысутнасць блока ў гэтым рэгіёне.

Генеральны сакратар Паўночнаатлантычнага альянсу Енс Столтэнберг, які з нядзелі знаходзіцца з візітам у Рызе, падкрэсліў, што сустрэча міністраў павінна стаць знакам падтрымкі краін-членаў Альянсу ва Усходняй Еўропы. Енс Столтэнберг таксама папярэдзіў Расею «якая збірае войскі на мяжы з Украінай:

-Любая будучая агрэсія Расіі супраць Украіны абыдзецца дарагой цаной і будзе мець сурʼёзныя палітычныя і эканамічныя наступствы для Расіі. Расія павінна праявіць празрыстасць, паменшыць напружанасць і прывесці да дээскалацыі сітуацыі.

У Рызе не чакаецца ніякіх рашэнняў адносна ваеннай дзейнасці НАТА, але ў латвійскай сталіцы, верагодна, у чарговы раз прагучаць словы падтрымкі Польшчы і Прыбалтыкі. У сустрэчы таксама прымуць удзел міністры замежных спраў Украіны і Грузіі. Абедзве краіны ў апошнія гады сталі абʼектамі агрэсіі з боку Расіі.

iar/эж