Генштаб Украіны: Ля Ізюма былі заўважаныя «каты з Бучы»

Гэта атрад вядомы жахлівымі злачынствамі, здзейсненымі супраць мірнага насельніцтва пад Кіевам.

Украінскія вайскоўцы страляюць з рэактыўных сістэм залпавага агню ў раёне Харкава, Украіна, 20 красавіка 2022 года.

PAP/EPA/STR

Сёння – 59 дзён расійскай вайны ва Украіне. Паводле інфармацыі ўкраінскага Генштаба, Расія хоча ўсталяваць поўны кантроль над Данецкай і Луганскай абласцямі, а таксама захаваць калідор паміж Данбасам і акупаваным Крымам.

Найбольшая расійская актыўнасць назіраецца на лініі фронту ў Данбасе, у частцы Харкаўскай вобласці. На поўдні Херсонскай вобласці таксама вядуцца баі. У баях удзельнічае атрад вядомы жахлівымі злачынствамі, здзейсненымі супраць мірнага насельніцтва пад Кіевам. У Харкаўскай вобласці на поўдзень ад Ізюма ідуць напружаныя баі – там, як адзначыў прэс-сакратар Узброеных сілаў Украіны Аляксандр Штупун, былі заўважаныя «каты з Бучы», атрад, які зараз дзейнічае ў ваколіцы Ізюма.

Паводле ўкраінскіх вайскоўцаў, на данецкім напрамку расіяне атакуюць па ўсёй лініі фронту. Асноўныя наступальныя дзеянні вядуцца ў раёне Севяраданецка. Расія блакуе ўкраінскія войскі на тэрыторыі марыупальскага завода «Азоўсталь» і бамбіць горад; працягвае наносіць удары па Харкаве.

IAR/аз