Прадстаўнікі ўладаў краінаў Балтыі, Чэхіі і Славаччыны ўвечары ў аўторак выказалі занепакоенасць інфармацыяй аб падзенні на тэрыторыю Польшчы праўдападобна двух расійскіх ракет. У выніку інцыдэнту загінулі два чалавекі. Згаданыя краіны заявілі пра поўную падтрымку польскіх уладаў.
« (...) Злачынны расійскі рэжым запусціў ракеты, якія забілі ня толькі мірных украінцаў, але і ўпалі на тэрыторыю НАТА ў Польшчы. Латвія цалкам падтрымлівае нашых польскіх сяброў і асуджае гэтае злачынства», – напісаў віцэ-прэм'ер Літвы Арціс Пабрыкс.
Прэзідэнт Літвы Гітанас Наўседа таксама выказаў падтрымку Польшчы, зазначыўшы, што «Літва рашуча салідарная з Польшчай» і што «кожны сантыметр тэрыторыі НАТА павінен быць абаронены».
Міністэрства замежных спраў Эстоніі назвала навіны з Польшчы «вельмі трывожнымі».
Салідарнасць з Польшчай і поўную падтрымку выказалі таксама прэм’ер-міністры Славакіі і Чэхіі.
вс
на фота: Прэзідэнцкі палац у Варшаве