Першы ўкраінскі батальён на БМП Bradley скончыў падрыхтоўку (ВІДЭА)

На пачатку студзеня ЗША анансавалі новы буйны пакет ваеннай дапамогі Украіне.

Баявая машына пяхоты Bradley амерыканскай вытворчасці

Andrew Harker/Shutterstock.com

У Германіі завяршыў падрыхтоўку першы ўкраінскі батальён, аснаджаны амерыканскімі баявымі машынамі пяхоты Bradley. Падрыхтоўка ўкраінскіх вайскоўцаў праходзіла на амерыканскай вайсковай базе ў Германіі.

Баявая машына пяхоты Bradley была прынятая на ўзбраенне арміі ЗША ў 1981 годзе. Цяпер выпускаецца чарговая мадыфікацыя БПМ.

На пачатку студзеня ЗША анансавалі новы буйны пакет ваеннай дапамогі Украіне, у які ўпершыню былі ўключаныя амерыканскія баявыя машыны Bradley. У рамках пакета было абяцана 50 машын, зазначае агенцтва УНІАН.

Пазней у рамках некалькіх пакетаў былі анансаваныя дадатковыя пастаўкі, якія сукупна павінны давесці агульную колькасць Bradley у складзе ўкраінскай арміі да 100 машын.

У канцы студзеня першая партыя з 60 БМП была адпраўленая з ЗША ў Еўропу. Пазней журналісты заўважылі ў адным з партоў Германіі вялікую колькасць амерыканскай ваеннай тэхнікі, як мінімум частка якой будзе перададзеная Украіне.

вс