Зараз у Кіеве пражывае каля 3,5 мільёна чалавек, заявіў у аўторак прадстаўнік уладаў украінскай сталіцы Мікалай Паваразнюк, якога цытуе агенцтва Укрінфарм. У сакавіку 2022 года, пасля таго як Расія пачала ўварванне ва Украіну, колькасць людзей у горадзе ўпала прыкладна да 800 тысяч чалавек.
Па словах Паваразнюка, у сталіцу людзі пачалі вяртацца ў траўні мінулага года. Сярод 3,5 мільёна чалавек, якія цяпер пражываюць у горадзе, ёсць як тыя, хто вярнуўся, так і ўнутраныя перасяленцы з іншых рэгіёнаў Украіны.
Кіеў афіцыйна прымае каля 230 тысяч чалавек, вымушаных перамесціцца з-за вайны, у тым ліку каля 40 тысяч дзяцей.
Паводле звестак украінскага статыстычнага ведамства, на 1 лютага 2022 года ў Кіеве пражывала менш за 3 мільёны чалавек.
Паваразнюк паведаміў, што цяпер у горадзе больш за 400 школ, а вучні займаюцца ў традыцыйных і анлайн форме. Адчынена няшмат дзіцячых садкоў.
Што тычыцца функцыянавання бізнесу, то ў першую чаргу працуюць кампаніі сферы паслуг, дадаў Паваразнюк. У параўнанні з перыядам да расійскага нападу, працуе каля паловы прамысловых прадпрыемстваў.
ав