Дадаткова 100 мільёнаў еўра Еўракамісія перадасць пяці краінам у сувязі з імпартам збожжа з Украіны, з якіх Польшча атрымае больш за траціну. Пра гэта неафіцыйна стала вядома брусельскай карэспандэнтцы Польскага радыё.
Гаворка ідзе пра кампенсацыю фермерам стратаў, выкліканых павелічэннем імпарту ўкраінскіх збожжавых і алейных культур. Паводле Бэаты Пламэцкай, старшыня Еўракамісіі ўжо выразіў згоду па дадзеным пытанні. Афіцыйна рашэнне можа быць абвешчана ўжо на наступным тыдні. Грошы паступяць з так званага антыкрызіснага рэзерву. Таксама можна падвоіць атрыманую падтрымку ЕС за кошт сродкаў з нацыянальнага бюджэту. Найбольшым бенефіцыярам гэтай дапамогі будзе Польшча.
Таксама ў першым пакеце дапамогі, абвешчаным у панядзелак Камісіяй, з больш як 56 мільёнаў еўра амаль 29,5 мільёна пойдзе ў Польшчу. Гэта таксама грошы з антыкрызіснага рэзерву і таксама можна будзе падвоіць суму, атрыманую пры дзяржаўнай падтрымцы. Канчатковае рашэнне краінаў ЕС аб ухваленні дапамогі чакаецца на наступным тыдні.
iar/нг