- Тут я аддаю належнае сапраўднай казацкай мужнасці і стойкасці нашага народа. Жыхары Ахтыркі змагаліся за свой горад і спынілі варожыя войскі, тым самым сарвалі расійскія планы, накіраваныя супраць Украіны, - заявіў у аўторак прэзідэнт Украіны Уладзімір Зяленскі падчас візіту ў Ахтырку Сумскай вобласці на поўначы краіны.
-Вясной мінулага года жыхары Сумскай вобласці дапамагалі адзін аднаму, як у Ахтырцы, так і ў суседніх гарадах, пасёлках і вёсках. Такім чынам, мы атрымалі магчымасць перажыць яшчэ шмат радасных вёснаў, — прызнаўся прэзідэнт. Запіс яго выступу апублікаваны ў профілі кіраўніка дзяржавы ў Фэйсбуку.
Зяленскі нагадаў, што Ахтырка панесла значныя страты, моцна пацярпела ад абстрэлаў непасрэдна па жылых кварталах.
Расійскія войскі атакавалі 46-тысячную Ахтырку 24 лютага мінулага году, у першы дзень уварвання ў суседнюю краіну. У наступныя тыдні войскам агрэсара не ўдалося ўзяць горад пад кантроль, але яны абстралялі там шматлікія грамадзянскія аб'екты, у т.л. жылыя дамы і дзіцячы садок.
Акупанты былі выбітыя з Сумскай вобласці на мяжы сакавіка-красавіка 2022 года. 24 сакавіка мінулага года прэзідэнт Зяленскі прысвоіў Ахтырцы ганаровае званне горада-героя Украіны. Як тады падкрэслівалася, такім чынам узнагароджваліся «гераічнасць і адвага жыхароў, праяўленыя пры абароне свайго горада».
ав