Раскошныя яхты, аўтамабілі, эксклюзіўныя вілы. Ад пачатку агрэсіі Расіі супраць Украіны італьянская дзяржава канфіскавала актывы 28 расійскіх алігархаў. Дзесяць з іх з дапамогай адвакатаў патрабуюць размарозіць маёмасць.
Адміністрацыйны суд Італіі пакуль пракаментаваў адну са спраў аб маёмасці Аляксея Мардашова – да нядаўняга часу ён лічыўся самым багатым чалавекам у Расіі.
«Італьянская дзяржава адрэагавала належным чынам, рэквізаваўшы яхту, і таму запыт адхілены», – вырашыў суддзя. Адвакат Мардашова заявіў, што будзе абскарджваць гэтае рашэнне ў Дзяржсавеце Італіі.
Італьянскі ўрад аплачвае ўтрыманне рэквізаванай маёмасці.
У 2022 годзе ўрад Італіі выдзеліў 10,7 мільёна еўра на падтрыманне замарожаных актываў, асабліва рэзідэнцый і яхтаў расійскіх алігархаў.
Дзяржава Італіі будзе прасіць уладальнікаў гэтай нерухомасці кампенсаваць панесеныя выдаткі, і калі яны не заплацяць, яна пакідае за сабой права захаваць гэтыя актывы пасля адмены адміністрацыйнага замарожвання. Затым гэтыя аб'екты будуць прададзеныя або здавацца ў арэнду.
У выпадку, калі аўкцыёны скончацца безвынікова, маёмасць расіян пяройдзе да міністэрстваў інфраструктуры і транспарту і мінабароны, альбо яе можа выкарыстоўваць Фінансавая гвардыя.
яс/паводле PAP, tvn24.pl