Расійскія акупанты падхапілі сібірскую язву на Запарожскім кірунку, паведаміў у Telegram мэр Мелітопаля Іван Фёдараў.
Паводле яго інфармацыі, на небяспечную інфекцыю захопнікі захварэлі, калі капалі акопы.
«Акупанты капалі акопы, выпадкова раскапалі жывёльны могільнік і падхапілі сібірскую язву. Не, гэта не эпізод з фільма жахаў – гэта рэаліі быцця свін*сабак на Запарожскім кірунку», – падзяліўся Фёдараў.
Адно варожае падраздзяленне зараз сядзіць на каранціне, дадаў мэр Мелітопаля. Двух расійскіх вайскоўцаў спачатку прывезлі ў лякарню Мелітопаля, але пасля пацверджання дыягназу – выпісалі і павезлі ў невядомым кірунку.
яс/Unian