Прэзідэнт Украіны ўпершыню публічна пракаментаваў апошнюю напружанасць у польска-ўкраінскіх адносінах. Адказваючы на пытанне карэспандэнта Польскага радыё падчас свайго візіту ў Белы доме, Уладзімір Зяленскі сказаў, што Польшча з’яўляецца сябрам Украіны і што ўкраінцы ўдзячныя палякам за дапамогу.
«Мы сябруем з Польшчай. Мы ўдзячныя палякам і польскаму грамадству за падтрымку. Вось і ўсё», – адказаў Уладзімір Зяленскі, словы якога апублікаваў Белы дом.
Словы Уладзіміра Зяленскага прагучалі ў прысутнасці прэзідэнта ЗША Джо Байдэна.
Раней падчас брыфінгу дарадца прэзідэнта ЗША па нацыянальнай бяспецы Джэйк Саліван выказаў перакананне, што Польшча працягне падтрымку Украіны. Палітык спаслаўся на заявы прэс-сакратара польскага ўрада аб працягу паставак ва Украіну тэхнікі польскай вытворчасці.
Падчас сустрэчы з украінскім кіраўніком прэзідэнт ЗША Джо Байдэн заявіў аб далейшай падтрымцы Украіны, а Уладзімір Зяленскі падзякаваў за гэта і падкрэсліў, што ЗША дапамагаюць абараняць Украіну ад расійскага тэрору.
IAR/аз