Кіраўнік непрызнанага Карабаху падпісаў указ аб спыненні існавання рэспублікі
Згодна з указам Самвела Шахраманяна, непрызнаная рэспубліка спыніць існаванне з 1 студзеня 2024 года. Усе органы ўлады і ўстановы НКР, як вынікае з указа, павінны быць распушчаныя.
Ва ўказе таксама гаворыцца, што жыхары могуць самі вырашыць, ці заставацца ім у Нагорным Карабаху.
Рашэнне аб роспуску рэспублікі было прынята, зыходзячы з сітуацыі, якая паўстала пасля 19 верасня 2023 года, перадае «Арменпрэс» са спасылкай на заяву інфармацыйнага штаба Нагорнага Карабаха.
У той дзень Азербайджан аб'явіў аб пачатку «антытэрарыстычных мерапрыемстваў лакальнага характару» у Нагорным Карабаху з мэтай «аднаўлення канстытуцыйнага ладу».
Прысутнасць расійскіх міратворцаў не перашкодзіла Баку.
ПР/юл