Наступнай вясной у Албаніі будуць пабудаваны два італьянскія лагеры для нелегальных мігрантаў. Прэм'ер-міністр Джорджыя Мелоні падпісала пагадненне аб гэтым з прэмʼер-міністрам Эдзі Рама.
Закрыты цэнтр рэгістрацыі мігрантаў будзе пабудаваны ў партовым горадзе Шэнджын за 60 кіламетраў ад Тыраны. Другі лагер для тых, хто чакае заявак на міжнародную абарону або высылку, будзе пабудаваны ў суседнім Гʼядэры на месцы былой авіябазы.
Агулам лагеры змогуць прыняць 3 тысячы чалавек. Урад Італіі разлічвае, што за год праз абодва лагеры пройдуць амаль 40 тысяч мігрантаў.
У гэтыя лагеры будуць дастаўлены толькі мігранты, выратаваныя ў Міжземным моры італьянскімі ВМС і службамі берагавой аховы. Туды не будуць накіроўвацца замежныя судны з мігрантамі і выратавальныя караблі міжнародных няўрадавых арганізацый.
Еўракамісія папярэдзіла, што пагадненне павінна адпавядаць заканадаўству ЕС.
яс