У Харкаве на паўночным усходзе Украіны быў затрыманы супрацоўнік мясцовага ўніверсітэта, які працаваў на ГРУ, паведаміла Служба бяспекі Украіны.
49-гадовага мужчыну расійская выведка завербавала пасля пачатку ўварвання ва Украіну. Ён перадаваў праціўніку дадзеныя аб аб'ектах крытычнай інфраструктуры, у тым ліку аб наступствах ракетна-артылерыйскіх удараў па адным з абаронных прадпрыемстваў Харкаўскай вобласці, якое неаднаразова падвяргалася абстрэлам расійскіх вайскоўцаў.
Таксама мужчына кантраляваў маршруты перамяшчэння Узброеных сіл Украіны і размяшчэнне матэрыяльна-тэхнічных складоў, у тым ліку складоў боепрыпасаў. У яго задачы таксама ўваходзіла назіранне за дзейнасцю замежных валанцёрскіх арганізацый у Харкаве, гаворыцца ў паведамленні СБУ.
Украінская служба затрымала мужчыну ў яго кватэры ў Харкаве. Устаноўлена, што праз адзін з апаратаў сувязі перадаваў разведвальныя звесткі праціўніку. Падчас ператрусу ў кватэры канфіскаваны мабільны тэлефон і тэхніка з доказамі супрацоўніцтва з агрэсарам. Мужчына быў часова арыштаваны. За дзяржаўную здраду ў гады вайны яму пагражае пажыццёвае зняволенне.
PAP/аз