Украіна чакае яшчэ больш комплексаў СПА «Пэтрыёт». Гэтыя і іншыя заходнія ракетныя пускавыя ўстаноўкі ўсё больш эфектыўна абараняюць украінскае неба. Нягледзячы на гэта, Расія не спыняе ракетных удараў.
Украінская абарона ўжо мае заходнія сістэмы супрацьпаветранай абароны NASAMS і IRIS-T і, перш за ўсё, некалькі батарэй «Пэтрыёт». Праўда, гэта не забяспечвае 100-працэнтнай абароны ўкраінскага неба, але ахоўны парасон у тым ліку, разгорнуты над украінскай сталіцай. «Пэтрыёт» даказалі сваю эфектыўнасць супраць расійскіх гіпергукавых ракет «Кінжал», незнішчальнай суперзброі Пуціна.
Украінцы хутка ўзмоцняць сродкі супрацьпаветранай абароны, заявіў прэзідэнт Украіны Уладзімір Зяленскі. Як ён адзначыў, зімой ва Украіну паступіць некалькі новых комплексаў «Пэтрыёт». Ён дадаў, што не будзе паведамляць пра іх колькасць, пакуль яны не пачнуць абараняць Украіну.
Тым часам, нягледзячы на санкцыі, Расія набывае камплектуючыя для новых ракет вялікай далёкасці. Масква нават павялічыла вытворчасць у параўнанні з перыядам да нападу на Украіну.
яс/Павел Бушко