Паводле папярэдніх ацэнак, прычынай здарэння стаў выбух і ўзгаранне метану. Як паведамляе агенцтва Сіньхуа, у момант аварыі пад зямлёй працавалі 425 гарнякоў, 380 з іх былі паднятыя на паверхню.
Няшчасныя выпадкі ў шахтах у Кітаі - не рэдкасць з-за невыканання стандартаў і правіл бяспекі. Паводле афіцыйных звестак, у 2022 годзе ў 168 аварыях на кітайскіх шахтах загінулі 245 чалавек.
У снежні 2023 года 12 чалавек загінулі а 13 атрымалі раненні ў выніку аварыі на шахтах на ўскраіне горада Цзісі ў паўночна-ўсходняй правінцыі Хэйлунцзян.
У лістападзе ў тым жа рэгіёне на іншай шахце загінулі 11 чалавек. У верасні не менш за 16 чалавек загінулі ў выніку пажару ў вугальнай шахце ў правінцыі Гуйчжоу на паўднёвым захадзе Кітая.
ПР/юл