Звальненне генерала Валерыя Залужнага звязанае з палітычнымі прычынамі – так ацэньвае звальненне цяперашняга галоўнакамандуючага Узброеных сілаў Украіны ўкраінскі палітолаг Яўген Магда. 8 лютага прэзідэнт Украіны Уладзімір Зяленскі анансаваў змену на найважнейшай пасадзе ва ўкраінскай арміі. Паводле суразмоўцы Польскага радыё, гэта, аднак, не прынясе папулярнасці ўкраінскаму лідару.
Нягледзячы на тое, што былы галоўнакамандуючы не імкнуўся займаць палітычныя пасады, яго папулярнасць сярод украінцаў вырасла і перавысіла папулярнасць Уладзіміра Зяленскага. Паводле аналітыка, гэта стала асноўнай прычынай адстаўкі генерала Залужнага:
-Залужны ёсць і застаецца самай папулярнай фігурай ва Украіне. Давер да яго быў пабудаваны на веры ва Узброеныя сілы Украіны. Менавіта ён абараняў краіну падчас расійскага нападу. Гэта будзе складана ліквідаваць, хоць каманда Зяленскага будзе спрабаваць гэта зрабіць.
Генерала Залужнага замяніў генерал Аляксандар Сырскі, былы кіраўнік сухапутных войскаў. Аналітыкі ацэньваюць яго як ваеннага, больш гатовага да правядзення рызыкоўных аперацый, чым яго папярэднік
iar/ez