Генштаб Узброеных сілаў Украіны паведамляе, што за мінулыя суткі адбылося 95 прамых баявых сутыкненняў з войскамі агрэсара. Па ўкраінскіх пазіцыях і грамадзянскіх аб'ектах расіяне нанеслі 11 ракетных і 98 авіяўдараў. Больш за 110 гарадоў у Чарнігаўскай, Сумскай, Харкаўскай, Луганскай, Данецкай, Запарожскай, Днепрапятроўскай, Херсонскай і Мікалаеўскай абласцях яны абстралялі 129 разоў.
Расіяне таксама атакавалі з выкарыстаннем іранскіх баявых беспілотнікаў Шахед. З 9 беспілотнікаў 3 былі збітыя ўкраінскай супрацьпаветранай абаронай. У выніку варожых атак былі разбураныя жылыя дамы і грамадзянская інфраструктура. Ёсць таксама загінулыя і параненыя мірныя жыхары.
Найбольш жорсткія баі ідуць каля Георгіеўкі, Перамогі, Новаміхайлаўкі і Краснагораўкі Данецкай вобласці. На гэтых участках адбылося 40 сутычак.
Украінская авіяцыя нанесла ўчора авіяўдары па 7 групоўках расійскіх войскаў і 2 пазіцыях СПА. Ракетныя войскі Украіны ўдарылі па трох артылерыйскіх пазіцыях праціўніка.
IAR/нг