Улады Францыі паведамляюць аб масавай расійскай кібератацы ў інтэрнэце ў Новай Каледоніі, французскай заморскай тэрыторыі ў Ціхім акіяне. Гэта адбылося за некалькі гадзін да прыезду Эмануэля Макрона. Візіт прэзідэнта звязаны з беспарадкамі, выкліканымі прыхільнікамі незалежнасці архіпелага, якія працягваюцца ўжо больш за тыдзень. Тэму працягвае карэспандэнт Польскага радыё Стэфан Фольцэр:
- Улады Новай Каледоніі абвясцілі аб адбіцці беспрэцэдэнтнай кібератакі, якая мела на мэце абцяжарыць мясцовую інтэрнэт-сетку. Хакеры адправілі мільёны электронных паведамленняў з дапамогай сервераў, размешчаных у Расіі. Мясцовыя ўлады называюць гэта правакацыяй і адзначаюць, што напад пачаўся адразу пасля таго, як Елісейскі палац абвясціў пра візіт прэзідэнта Макрона ў Новую Каледонію. Пасля дзесяці дзён хваляванняў сітуацыя ў Новай Каледоніі застаецца напружанай. З пачатку беспарадкаў загінулі шэсць чалавек, некалькі сотняў атрымалі раненні.
IAR /аз