Рада бяспекі Арганізацыі Аб'яднаных Нацый прыняла падтрыманы ЗША план спынення агню ў сектары Газа. Галасаванне было амаль аднагалосным. Рэзалюцыю падтрымалі 14 членаў Рады, Расія ўстрымалася пры галасаванні.
Амбасадар ЗША ў ААН Лінда Томас-Грынфілд заявіла членам Рады бяспекі, што Ізраіль ужо пагадзіўся на пагадненне, выкладзенае ў рэзалюцыі.
ХАМАС таксама прымае рэзалюцыю і гатовы весці перамовы. Гэтую інфармацыю агенцтву Reuters перадаў кіраўнік знешнепалітычнага ведамства ХАМАС Самі Абу Зухры.
Аднак прадстаўнік ХАМАС падкрэсліў, што менавіта ЗША павінны забяспечыць выкананне Ізраілем палажэнняў мірнага плана, гэта значыць спыненне агню, вывад ізраільскіх войскаў з «населеных пунктаў» сектара Газа і абмен зняволеных паміж Ізраілем і ХАМАС.
Дамова прадугледжвае тры этапы: неадкладнае спыненне агню, заканчэнне вайны і аднаўленне сектара Газа.
яс/IAR